عمرو أديب عن صورته بالزي الفرعوني: نفخوني (فيديو)

أعرب الإعلامي عمرو أديب عن فخره الشديد بالقدماء المصريين، مشيرًا إلى تفاصيل اللياقة البدنية للمقاتلين الفرعونيين بطريقة طريفة وفريدة.

وقال أديب خلال برنامج الحكاية على قناة إم بي سي مصر: "أنا النهارده دخلت على Gemini وقلت له مقاتل فرعوني، فطلعني… أنتم عارفين طبعًا، ده وشي وده جسمي، أوعى حد يفتكر إن ده جسم أي حد تاني، أنا بس حبيت أشارككم التفاصيل دي، اللي ما حدش بيشوفها عادة، زي التقسيمة العضلية: الترابيس، البايسبس، الترايسبس، السكس باك، الإيت باك.. ولا محمد صلاح ولا أي حد تاني".

وأضاف: "ده شغل عمرو أديب بس إيه، مش عايز أوري أكتر عشان الحسد وبتاع، بس أنا وريتهم لكم وأنا فخور بأجدادي المصريين".

وأشار أديب إلى أن الواحد "يجي بالبدلة بس من جوه، طبعًا في حاجة… وعلى رأي الأستاذ عمرو دياب: نفخوني". وتابع مبتسمًا: "طبعًا عمرو دياب عنده ده بجد، تحت البدلة. يعني لو بكرة عمل فرعوني هتشوف ده بجد. ربنا يديله الصحة بصراحة، حاجة ستين سنة وعضل، ومش وقته المهم… خلينا في الفراعنة، هو يعني سليل برضه".