قال المهندس ورجل الأعمال سميح ساويرس تعليقًا على القرارات الأمريكية بفرض رسوم جمركية: "إحنا هنستفيد، لأن لما يبدأوا يضيّقوا على الناس في آسيا، إحنا هنقدر ناخد نفسنا، وهيبقى عندنا فرصة نصدر للأمريكان، وده هيدينا ميزة في التصدير".
وأضاف خلال بودكاست "الحل إيه": "الصين مش هتقدر تصدر كل حاجة لأمريكا تاني، وهيضطروا يخفضوا أسعار الصادرات لنا عشان يحافظوا على حصتهم في السوق، وأنا شايف إن مصر مش هتتضرر من القرار الأمريكي".
وتابع: "اللي بيعمله ترامب نوع من التهويل، وبيبالغ علشان يظبط الأمور، ماينفعش إن الأمريكي اللي عايز يصدّر لأوروبا يدفع 20%، وفي نفس الوقت الأوروبي يصدّر لأمريكا من غير ما يدفع ولا مليم، أمريكا كانت قائدة التجارة الحرة، وترامب بدأ يصحى، وفي النهاية أمريكا هتحصل على معاملة متساوية".
تابعوا آخر أخبار العقارية على Google News
تابعوا آخر أخبار العقارية على نبض
