شقيق أحمد رفعت يوجه رسالة نارية: اللى غلط لازم يتحاسب

طالب محمد رفعت، شقيق اللاعب الراحل أحمد رفعت، بمحاسبة أي شخص تسبب في أذى شقيقه بأي شكل من الأشكال.

وقال محمد رفعت في تصريحات عبر برنامج «الماتش» المذاع على قناة «صدى البلد »تعليقًا على مراسم العزاء التي أقيمت مساء الثلاثاء: «مراسم العزاء كانت قاسية جدا. أنت بتاخد عزاء أخوك وضهرك وسندك، اللي مقصرش معانا في حاجة ولا قصر مع حد في حاجة، بس سبحان الله كانت خفيفة زي مكل حاجة بالنسبالك كانت خفيفة الله يرحمه ويحسن إليه».

وعن ما تطلبه أسرة أحمد رفعت، أوضح: «لا نطلب أي شيء سوى محاسبة أي شخص تسبب في آذى أحمد رفعت حتى لا يتكرر الأمر مع أي شخص آخر».

وتابع: «لا ننتظر أي ماديات ولا بندور على الكلام ده خالص، الحمدلله إحنا مرتاحيين ماديا جدا جدا وأحمد الله يرحمه مريحنا ماديا لسنين قدام، فإحنا محتاجين اللي غلط يتحاسب عشان الناس التانية».

وأتم: «أحمد رفعت مات ومفيش أي حاجة تعوضه ولا حاجة هترجعه. أنا بوجه الشكر لكل الإعلاميين المحترمين اللي تحدثوا عن قضية رفعت بضمير».