اليوم بـ مليون جنيه.. تعليق ناري من «الستات» على ارتفاع أسعار المصيف في الساحل (فيديو)

علقت الإعلامية مفيدة شيحة، على ارتفاع أسعار المصيف في الساحل الشمالي بعد أن وصلت إلى أرقام فلكية، حيث سلجت نحو مليون جنيه في الليلة الواحدة ببعض الأماكن.

أسعار المصيف في الساحل الشمالي

قالت الإعلامية مفيدة شيحة خلال تقديم برنامج «الستات»، عبر فضائية «النهار»: «محدش بيضرب على إيده، مش لازم تروح تصيف في الساحل، الساحل أسعاره غالية، الحل هو الالتزام باللي نقدر نعمله».

وأضافت: «الناس دي لما تعرف إن إحنا مش ماشيين وراهم، وهما اللي ماشيين ورانا، هنقدر نظبط أسعار الساحل».

وتابعت: «هناك فئة تمتلك عندها إمكانيات مادية وفيرة، مش هقول الساحل الشهير، بس الفئة دي عندهم مشكلة كبيرة جدا وهي الأرننة، كفاية منظرة، احمونا، عايز تضيع فلوسك أنت حر، بس إحنا مالنا».

أسعار الساحل الشرير

كما علقت الإعلامية سهير جودة، قائلة: «بلاش نسمح إن يكون فيه ساحل شرير، إحنا اللي بنشجع على القصة لو قبلنا، القصة فيه مبالغة، إحنا اللي بنشجع هذه المبالغات الكبيرة».

وأضافت:«لازم نرفض ده، ونرفض كل الأسعار اللي غالية هناك، وناخد حاجتنا من الأماكن اللي إحنا رايحين منها».