"مش عايزين يجيبوها لبر"| ضحية جديدة لـ«أوبر».. ماذا حدث لأميرة هاني؟

لا زالت اعتداءات سائقي شركة النقل الذكي "أوبر" على الركاب مستمرة، وكانت آخر الضحايا سيدة تدعى أميرة هاني.

اشتكت إحدى السيدات من سوء تعامل أحد كباتن شركة أوبر مصر في التعامل معها، بعد تأخره عن الوصول إليها، ورده بأسلوب مهين وعنيف على استفسارها حول سبب تأخره -على حد قولها-.

وقالت أميرة هاني، إن أحد كباتن أوبر تعامل معها بأسلوب غير لائق، وأنها لم تكن تعلم أن لشركة لها العديد من المشاكل الكبرى في مصر خلال الأيام الماضية.

سوء تعامل كابتن أوبر

وأوضحت أميرة هاني في منشور عبر فيسبوك: أنا مش متابعة حقيقي للأحداث خالص.. وللأسف طلبت أوبر النهاردة عشان يوصل الست اللي بتساعدنا في البيت.. مشوار بالظبط 10 دقايق يوديها عند النادي اللي تقدر تركب منه.. وأول ما طلبته فضل راكن فبعتله اسأله وده كان رد هذا المريض النفسي.. فحبيت أنزل بوست لقيت إن أوبر مصر أساسا عاملة مشاكل.

وأضافت: أنا هحذف الأبليكشن اللي مفيش عليه رقابة ده ولا علي السواقين وأكتفي بهذا البوست للشخص اللي تطاول عليا بدون سبب وأنا بقوله حضرتك فين، وهسيبلكوا الرد.

مشاكل أوبر في مصر

وأظهرت الرسائل التي نشرتها أميرة هاني، أسلوبا غير لائق من كابتن أوبر، الذي قال لها: كنت متأكد من رد حضرتك والله، وكنت متأكد إن حضرتك من نوعية العملاء اللي عندها نقص ومش بتفهم.. وفي الآخر تلاقيكي بتركبي لما يكون معاكي خصم.. وانتي أساسا مش لاقية تاكل يا عالم ارحمونا بقى.