أحمد موسى: فنادق مصر دلوقتي كاملة العدد والشوارع مفيش فيها موضع لقدم (فيديو)

أشاد الإعلامي أحمد موسى، مُقدّم برنامج «على مسئوليتي»، باستعدادات وزارة الداخلية لوضع خطة لتأمين المحلات والشوارع في جميع المحافظات المختلفة مع قرب حلول احتفالات عيد الفطر 2024.

مصر بلد كبيرة وشعب عظيم

وقال أحمد موسى، خلال تقديم برنامجه «على مسئوليتي»، المذاع على قناة صدى البلد الفضائية: «مصر بلد كبيرة وشعب عظيم ولابد من توفير هذه الأجواء الآمنة لجميع السائحين والمصريين الذي يتوافدون بين المحافظات في الداخل حفاظًا على الأمن القومي للبلاد».

وتابع موسى: «فنادق مصر دلوقتي كاملة العدد، بين فنادق العلمين والقاهرة والجيزة وشرم الشيخ، لأن الأمن والأمان مهم جدًا، ده الشوارع مفيش فيها موضع لقدم واحد، والمحلات بسم الله ما شاء الله حاجة تفرح».

واستعرض موسى، تفاصيل احتفالات عيد الفطر المبارك أيام شبابه، قائلاً: «ليلة العيد زمان الناس مكانتش بتنام، وكنا بنقعد وإحنا صغيرين مع العائلات عندنا في البلد عشان نعمل كحك العيد والغريبة وغيره».

وأردف موسى: «الترابط ده في القرى وانتقل للريف وكل المناطق، وبقى اللي بيحصل عندنا في الريف موجود موجود في المناطق الشعبية دلوقتي، ربنا يديمها بألف خير وصحة وسلامة بين كل الناس، رمضان جري وشهر كريم».