«أنا غلط بس راجل».. بيومي فؤاد يدخل في نوبة بكاء على الهواء | فيديو

وجه الفنان بيومي فؤاد، سؤالًا للفنان محمد سلام بعد عرض صورة له ببرنامج «حبر سري»، مع الإعلامية أسما إبراهيم، على قناة القاهرة والناس، وحاول كتم البكاء قائلا: «ربنا معاك.. ولو هسأله هقوله إزاي متطلعش تدافع عننا وعن محمد أنور وهو ترشيحك وحقك عند ربنا». 

بيومي فؤاد يدخل في نوبة بكاء

وأضاف: «أنا صدقتك جدا في الفيديو وأنت قلت في الفيديو بتاعك لا نفاق ولا رياء وانا قلت وجهة نظري العبيطة عشان أنا راجل طيب مكنتش هتخسر حاجة لو طلعت تقول أنا مقدرش أروح ومش معنى أن محمد أنور قدر وراح يحصل معاه كده يا جماعة خصوصا إنك طلعت دافعت عن أمير كرارة لما طلعت شائعة أنه مشاك من المسلسل بتاعه».

وتابع: «وطلعت دافعت عن أحمد الجنايني ليه مطلعتش تدافع عن محمد أنور مش عني وانا كنت كل يوم بسأل قبل وبعد الفيديو وده اللي كنت مستنيه منك ورزقك على الله والعمر واحد والرب واحد، لكل اللي شتموا وكل اللي فهمني غلط أنا غلط بس راجل وأطلع في كل برنامج أقول كده».