أجاب الدكتور علي جمعة، مفتي الديار المصرية السابق، على سؤال حول عذاب المنتحر بسبب الألعاب الإلكترونية وهل سيعذبه الله أم سيرحم جهله وعدم اكتمال وعيه.
وقال الدكتور علي جمعة: «جماهير المسلمين يعتقدون أن الوعد والوعيد لا بد أن ينفذ، وربنا أخبرنا بأن هناك جنة ونار، طيب لو أن الله ألغى النار يوم القيامة هنقوله لا؟».
وأضاف: «ما يدخل كل الناس الجنة، هو فعال لما يريد، وده وارد وعلماء مسلمين كتير قالوا آه وارد، وهو كرم وعطاء، ولما وعد بالنار مش ضروري يعملها، ويبقى غرضها ألا نؤذي أحدا والخوف من الله تعالى».
وتابع: «ندعو الناس من زمان إلى الرحمة والحب، وليس إلى الكراهية، وبنقول فيه ناس عاوزة تشوفها سودة، لكنها ليست كذلك، لا الدنيا كده ولا الآخرة كده».
وأوضح: «الحياة ليست فقط اللي إحنا فيها، ولكن الآخرة أيضا لقوله تعالى: (وإن الدار الآخرة لهي الحيوان)، هل انتوا فاكرين إن القبر حفرة من حفر النار، إحنا مؤمنين بأنه روضة من رياض الجنة، فشوف الخطاب عامل ايه يسيب الروضة اللي من رياض الجنة والفرحة بلقاء الله ويخلوها ثعبان الأقرع اللي موردش فيه حاجة ويخلوها عذاب القبر، وأنا مالي بعذاب القبر ويعذبني ليه؟".
وتابع: «انتوا فاكرين أن يوم القيامة، هيبقى أهوال؟ أيوه فيه كتب بتقول كده، ولكن فيه المتحابين على منابر من نور يوم القيامة، و7 يظلهم الله في ظله، أنتوا فاكرين أنه يوم القيامة ليس فيه شفاعة؟ ده فيه 70 ألف شفيع يشفع في 70 ألف شفيع وعدد المسلمين في الأرض 2 مليار بس، شوفه قوله تعالي ورحمتي وسعت كل شيء».
تابعوا آخر أخبار العقارية على Google News
