قال الإعلامي أحمد موسى إن الدولة تبذل جهدا وتدرس خطة جديدة لعمل ازدواج كامل لقناة السويس، لافتا خلال برنامج "على مسؤوليتي" المذاع على قناة "صدى البلد": "النهاردة كنت بتابع المؤتمر الدولي للنقل البحري واللوجستيات في الإسكندرية بحضور الفريق كامل الوزير وزير النقل والفريق أسامة ربيع رئيس هيئة قناة السويس".
خطة جديدة لعمل ازدواج كامل لقناة السويسوأضاف: "الفريق أسامة ربيع قال كلمة النهاردة ولما شفته زعلت جدا؛ كان متأثر وهو بيلقي الكلمة وفي الاخر هو مواطن مصري يهمه دخل البلد؛ ولكن بعد كده قعدت اسمع التصريحات بالكامل وكنت في منتهى السعادة؛ وهقولكم أخبار مهمة".
وتابع: "البلد دلوقت شغالة وهيتم عرض على الرئيس عبد الفتاح السيسي إن قناة السويس تبقى قناتين وتبقى عندنا قناتين كاملتين بطول 192 كم ودا لأول مرة؛ القناة بدل ما كنا بنقول السفن تيجي وتنتظر ساعتين تلاتة الدولة بتشتغل وإن شاء الله يتم التصديق على المشروع العملاق لكي تقضى على أي شيء أخر في المنطقة".
وواصل: "هيبقي عندك قناتين 192 كم و192 كم وتاني بقول الفريق أسامة ربيع قال معلومات قوية جدا؛ أهمية وجود ازدواج للقناتين؛ نسبة الامن 100% لا قدر الله إيفرجيفن لما اتعطلنا 6 أيام يبقي عندك قناة تانية شغالة ودا يزود لك عدد السفن؛ قافلة الشمال تمشي زي ماهي عايزة وقافلة الجنوب زي ما هي عايزة ويبقي عندك قناتين ماشيين ولا هتقف هنا ولا هنا".
تطورات مهمة في خطة عمل ازدواج كامل لقناة السويسوأوضح: "دا حدث مهم والبلد مش نايمة وأي اجراء أو أي تحدي بتشوف نعمل ايه طيب نلحق ازاي؟ كان بيعدي عندنا 70-80 -100 سفينة والأرقام دي هتزيد؛ احنا بنعمل لصالح بلدنا وللتجارة والعالم اللي مصر النهاردة داخلة عليه لسة تصديق الرئيس والفريق أسامة ربيع قال إن في شركات عالمية بتعمل دراسات على الموضوع".
واختتم: "اللي بيحصل تطور كبير في الدولة المصرية؛ الناس لازم تعرف البلد شغالة ازاي؛ وأهمية هذا المشروع يبقي لدينا عنصر أمان بنسبة 100% ورقم اثنين قبل 2015 كانت السفن بتعدي في 22 ساعة ونزلت إلى 11 ساعة وبعد الازدواج هيتم تخفيض زمن عبور السفن كمان ساعتين".
تابعوا آخر أخبار العقارية على Google News
