عبر الدكتور مصطفى مدبولي، رئيس الوزراء، عن سعادته بالتواجد وسط أهالي ومشايخ سيناء، مؤكدا أن سيناء هي أغلى جزء على قلب أي مصري، ولن يتم السماح بأي شكل من الأشكال أن يتم التخلي عن متر واحد من الأرض.
وأضاف "مدبولي"، خلال كلمة له وسط أهالي ومشايخ سيناء، أن تأمين أي مكان يأتي من خلال التنمية، ومن خلال السكان الذين يتواجدون كخط الدفاع الأول عن المنطقة وأمام أي فكر خبيث يحاول استغلال الأرض.
وتابع رئيس الوزراء: "مفيش دولة هتكون عندها تفكير أنها تتخلى عن جزء من أرضها لأي حد تاني، وأستثمر وأصرف 610 مليارات جنيه، وأحط في الخطة بتاعتي 400 مليار جنيه، يعني تريليون جنيه، كل ده عشان سيناء وأهالي سيناء عشان التنمية تحصل".
وأردف: "إحنا اتعودنا مع الرئيس السيسي منقعدش نتكلم، ونخلي الشغل يتكلم عننا، وده اللي هيحصل في الوقت الحالي، والناس شايفة الطرق والتنمية".
تابعوا آخر أخبار العقارية على Google News
