السيسي: «اوعى الغضب والحماسة تخليك تفكر أبدًا بشكل تتجاوز فيه»

أكد الرئيس عبدالفتاح السيسي، اليوم، أن مصر لم تتجاوز أبدًا حدودها عبر تاريخها القديم والحديث، وأن هدفها هو الحفاظ على أرضها دون أن تمس.

وقال السيسي خلال كلمته أثناء تفقده إجراءات تفتيش حرب الفرقة الرابعة المدرعة بالجيش الثالث الميداني في السويس، إن هدف الجيش المصري بقوته ومكانته وكفاءته هو حماية مصر وأمنها القومي دون تجاوز.

وأضاف الرئيس: «وهنا عايز أقول في ظل الظروف التي تشهدها المنطقة.. وكلامي هنا لنا كلنا عسكريين ومدنيين.. مهم اوي وأنت بتمتلك القوة والقدرة أنك تستخدمها بتعقل ورشد وحكمة.. ولا تطغي وميبقاش في طغيان وميبقاش عندك أوهام بقوتك.. بقول كده لأني ساعات بسمع مادام عندنا يعني!.. بقولك أنت عندك عشان تدافع عن نفسك وعن بلدك.. وعشان تتعامل مع الظروف بحكمة ورشد وأيضًا بصبر».

وتابع السيسي: «اوعى الغضب والحماسة تخليك تفكر أبدًا بشكل تتجاوز فيه.. وتقول في وقت من الأوقات مكنش ممكن أننا نتجاوز فيه.. واوعى أوهام القوة تدفعك أنت تاخد قرار أو تعمل إجراء يخليك تقول بعد كده مكنتش دارس كويس وكنت مدفوع بغضبي.. بقول الكلام ده لقواتنا المسلحة وشعبنا.. بنتعامل ديما مع الأزمات بعقل وصبر ما أمكن.. عشان نحقق كل شيء أو ما أمكن من غير ما يكون فيه تجاوز في استخدام القوة أو القدرات»