السيسي: "الناس بتقول ايه لازمة الطرق.. حاسبوا رئيس الوزراء هو اللي كان ماسك التخطيط العمراني"

تحدث الرئيس عبدالفتاح السيسي، رئيس الجمهورية على أهمية مشروعات الطرق التي نفذتها الدولة خلال الفترة الماضية، قائلًا: "الناس بتقول ايه لازمة الطرق.. دي خطة.. ولو عاوزين تحاسبوا فيها حد.. حاسبوا الدكتور مصطفى مدبولي.. لأنه هو اللي كان ماسك التخطيط العمراني للدولة.. وكان بيقول عاوز يعمل الكلام ده كله بس مش قادر".

 أهمية مشروعات الطرق

قال الرئيس عبدالفتاح السيسي خلال كلمة ألقاها أمام قرية الأبعادية بمحافظة البحيرة، ضمن فعاليات افتتاح عدد من المشروعات ضمن مبادرة حياة كريمة، اليوم الأربعاء: "أديك قدرت يا دكتور مصطفى وجايب لنا الكلام أهو".

علاقة الدولار بارتفاع أسعار السلع

في سياق آخر، أوضح الرئيس السيسي أن الدولار يؤثر على ارتفاع أسعار السلع، قائلًا: "لو أنا النهارده ملقتش الطلب ده موجود في الـ 10 مليون طن اللي احنا بنعملهم في مصر.. هضطر اشتري من برا.. ونيجي هنا لموضوع الدولار وده ليه تأثير كبير جدًا على الأسعار في مصر وفاتورة الدولار لما تزيد هيبقى عبء على الاقتصاد".

وتابع:"بس أنا كنت هاخد القمح ده.. الرغيف بيتكلف 80 قرش وببيعه بـ 5 قروش.. يعني أنا مش باخده أبيعه بثمنه.. ولو حد تاني خده هياخده عشان يتاجر بيه".

وأكمل: "حريصون على أننا كـ دولة يبقى عندها رصيد احتياطي يكفي 6 أشهر من الزيوت والقمح والأرز واللحوم والدواجن حتى لا تحدث أزمة".