لميس الحديدي: الدولة دفعت من دمها دولارات عشان تجيب فراخ أرخص للناس

عقب ضبط مواطن وبحوزته 350 كرتونة فراخ برازيلي، حيث قام بأخذها من المنافذ لبيعها بأسعار أعلى، علقت على هذا لميس الحديدي من خلال برنامجها "كلمة أخيرة" المذاع على قناة "ON" وقالت "الدولة دفعت من دمها دولارات عشان تجيب فراخ بسعر أرخص للناس لضبط السوق وإنت واخدها ورايح تبيعها"

وتابعت لميس الحديدي  "يا جبروتك يا أخي لحقت تجمعهم؟، إزاي عملت كده؟، دي هي الجريمة الكاملة والحرمانية بعينها، وتجارة في قوت الناس في وقت الأزمة".

وأوضحت لميس تحميل المسؤولية وقالت: "المسؤولية هنا ليست عليه فقط بل على المسؤولين عن هذه المنافذ عليهم مسؤولية أيضاً"، موضحة أن القانون لا يضع حد للسلع المشتراه ومحدش هيقول لمواطن إنت واخد إيه، لكن برضه ده مش واخد عشر فرخات، ده آخد 350 كرتونة دجاج، متابعة بعلامة استفهام: "إزاي لحق يلم 3.5 طن فراخ؟".

وتابعت: أكيد كان معاه ناس وجابهم من كذا مكان، ودي جريمة مكتملة الاركان.. تجارة في قوت الناس وأكل الشعب".

وأستكملت  الحديدي وقالت: "صحيح الفساد والسرقة حرام، لكن الاتجار في قوت الناس هي الحرمانية بعينها لانه إتجار في قوت وأكل الناس في وقت أزمة"

وأشارت: "اللي بيعمل كده في أوقات الحروب بيدخل السجن في العالم كله، وأنت عارف أن الدولة دفعت من دمها دولارات عشان توفر الدجاج البرازيلي، للنزول بالسعر، عاوز تاخدها بسعر رخص وتبيعها غالية دي جريمة".