عمرو أديب عن الزمالك: «أنا شربت من نفس الكأس وبقيت محتاس وفرجة لكل الناس»


الثلاثاء 14 مارس 2023 | 12:42 مساءً
عمرو أديب
عمرو أديب
العقارية

علق الإعلامي عمرو أديب، على خسارة نادي الزمالك أمام إنبي، بهدفين نظيفين في بطولة الدوري العام، قائلاً ««ربنا أراد يردلي اللي عملته إمبارح.. أنا إمبارح كنت في حالة كروية ليست لطيفة وكتير من الأهلاوية منبسطوش منها».

وأضاف  عمرو أديب خلال برنامجه «الحكاية» على قناة «mbc مصر»،: «أنا شربت من نفس الكأس وبقيت محتاس وفرجة لكل الناس.. الزمالك النهاردة بهدلني.. فريق أهتم بلا أسنان.. بلا فعالية ولا رغبة ولا قدرة .. تحس إنها فرقة مش أنا جاي منين ورايح فين.. طاب أعمل إيه.. أنا مين .. أنا إزاي».

وتابع: «إحنا دخل فينا جونين وسط حراسة مشددة.. لاعب إنبي كان بيجري بالكرة ويروح للجون ومعاه حرس شرف من الزمالك لغاية ما يسجل الجون».

وانتقد غياب تأثير الصفقات الجديدة للزمالك (ناصر منسي، أحمد بلحاج، محمود شبانة)، قائلا: «فين التلاتة اللي بهدلنا الدنيا علشان نسجلهم .. مفيش حد فيهم له معنى.. ده الزمالك مش عارف يبقى الرابع».