عمرو أديب عن جولة وزير الصحة المفاجئة: "مفيش حد يقدر يرفد موظف حكومي" (فيديو)


الثلاثاء 07 مارس 2023 | 09:28 صباحاً
الإعلامي عمرو أديب
الإعلامي عمرو أديب
أحمد رجب

أشاد الإعلامي عمرو أديب، بزيارة الدكتور خالد عبدالغفار وزير الصحة والسكان المفاجئة لمستشفى السلام ومركز أهالينا، واكتشافه عدد من المخالفات، قائلا: "أشكر وزارة الصحة على المواجهة والمصارحة والمكاشفة".

وأضاف أديب، خلال برنامج "الحكاية"، المذاع عبر فضائية "إم بي سي مصر"، قائلا: "لحد دلوقتي بشوفهم بيفطروا في المكاتب، والمصريين عندهم جمل خاصة بيهم ومنها أصله في الحمام، أو عنده مشوار، أو مأمورية، أو السيستم واقع".

أديب: إحنا عندنا الوزير بيمشي والموظف ميمشيش

وتابع أديب: "إحنا عندنا الوزير بيمشي والموظف ميمشيش، وتلاقي مديرة المركز مش موجودة عشان عندها ظروف، معقبا: "دايما لازم يكون لدى المدير رفض موظف مقصر".

ووجه أديب، الشكر لوزارة الصحة على البيان الصريح الواضح عن الجولة المفاجئة والمخالفات التي وجدوها في أعقاب جولة الوزير خالد عبد الغفار التفقدية بمركز صحة أهالينا بمدينة السلام، ومستشفى السلام التخصصي التابع لأمانة المراكز الطبية المتخصصة.

وواصل أديب: "طبعا إحنا فاهمين إن عندنا تحديات ومشاكل ونقص في الأطباء والإمكانيات، معقبا: "مفيش حد في البلد يقدر يرفد موظف حكومي، والموظف إذا تمت معاقبته يتحدث البعض عن دوافع إنسانية، مختتما :" الموظفين يا ريت تتقوا الله، روحوا الشغل أرجوكم".

وأردف أديب: "أنا لغاية النهاردة بشوف الموظفين بيروحوا يفطروا على مكاتبهم، فطار يفضل ماسك في جدران المكان لساعات طويلة، وتسأل عن أي موظف يقولك عنده ظروف او في الحمام".