الرئيس السيسي: "ارتفاع الأسعار واقع نعيشه لكننا لسنا سببا فيه"

أكد الرئيس عبدالفتاح السيسي، رئيس الجمهورية، اليوم الأحد، أن هناك حجم من الشائعات والافتراءات غير طبيعي، مضيفًا: "ارتفاع الأسعار واقع نعيشه لكننا لسنا سببا فيه".

ووجه الرئيس عبد الفتاح السيسي، رئيس الجمهورية، سؤالًا للحضور في اصطفاف المعدات المشاركة في تنمية وإعمار سيناء، قائلا: "هل حرب الإرهاب خلصت؟".

وأكد الرئيس عبدالفتاح السيسي: "لغاية دلوقتي حجم من الشائعات والأكاذيب والافتراءات غير طبيعي.. آخرهم قناة السويس.. كلام يعني أن المصريين منتبهين لده ومش هيصدقوا.. واتقال إننا بنفكر نبيع قناة السويس وفيه عرض.. عملولي وجمعوا كلامي ده وعملوا فيلم وإن الكلام ده قولتوا.. وقالك بتريليون دولار.. الموضوع عاوز تريليون دولار.. هنبيع القناة.. بغض النظر عن ده والأرقام".

وأكد السيسي أن الإرهاب كان يعوق حياة الناس وليس التنمية فقط، موضحًا: "بعد ما ربنا سبحانه وتعالى وفقنا والإرهاب اللي كان موجود كان يعيق حياة الناس.. لأن لو مفيش أمان الناس مش هتعرف تعيش حتى لو عايشه.. والحمد لله اللي تحقق بفضل الله والجيش والشرطة وأبناء سيناء".

وتوجه الرئيس السيسي خلال كلمته بالشكر لبعض رؤساء الشركات المنفذة لبعض الأعمال والمشروعات في سيناء: "أنا بشكركم إنكم بتشتغلوا في ظروف صعبة.. ولو قلنا لبعضكم أتكلم عن الحوادث والعواقب اللي حصلت كتير.. اللي اتخطف قريبه.. واللي اتحرقت له معدات".

وأضاف الرئيس: "أن ليا مطلب للشركات اللى شغالة في ملف التنمية في سيناء.. سيناء مساحتها 60 ألف كليو متر.. واحنا في مصر عايشين تقريبا على 60 ألف كيلو تقريبا.. وده مهم اوي لأهالينا في سيناء.. مصر كلها 60 ألف كيلو تقريبا.. وبنحاول نزودها 12 % بالمدن الجديدة.. وسيناء لوحدها 60 ألف كيلو تقريبا".

وأشار الرئيس عبد الفتاح السيسي إلى إن الدولة لم تنفذ مشروعات للتنمية والتعمير في سيناء بسبب ارتفاع التكلفة، موضحًا: "سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. وكل الكلام اللى بنقوله دلوقتي على مسطح 60 ألف كيلو في سيناء".