الرئيس السيسي لـ"المصريين: مش عاوزين نتكلم كتير في موضوع الأكل

وجه الرئيس عبدالفتاح السيسي، اليوم الخميس، خلال افتتاح مصنع سايلو فوودز للصناعات الغذائية بمدينة السادات في محافظة المنوفية، رسالة طمأنة المصريين، حول استقرار المخزون الاستراتيجي للسلع مدة 6 أشهر، رغم الأعباء المالية الكبيرة.

الرئيس السيسي: مش عاوزين نتكلم في موضوع الأكل

وقال الرئيس السيسي: "مش عاوزين نتكلم في موضوع الأكل كتير في التليفزيون.. ميصحش.. الحاجة موجودة واحنا شفافين جدا معاكم وصادقين جدا وبنقولكم كل حاجة.. موسم القمح والرز والبنجر والقصب ده معناه حتى لو انت شايف 4.5 شهور للقمح ده معناه أن الإنتاج القادم ده بيسلم ده ومحافظين على 6 شهور.. رغم ان ده بيكلفنا أعباء مالية.. ومعناه حجز فلوس لمدة 6 شهور.. يعني بشتري وأحطهم في المخازن.. ده اللي احنا بنعمله وتكلفة كبيرة جدا في ظل اللي بيحصل في العالم كله.. لكن لا باس مستمرين على موقفنا رغم الظروف الاقتصادية الصعبة اللى بتقابلنا".

سايلو فودز للصناعات الغذائية

وتقع "سايلو فودز" في مدينة السادات بإجمالي مساحة تبلغ 346 ألف متر مربع، تشمل عددًا من المصانع على أحدث طراز يستخدم فيها أحدث التقنيات والمنشآت الصناعية عالية التقنية، كما تضم مساحة واسعة للتخزين والتى يتم إدارتها بمنظومات عالمية هي الأكثر تطورًا من كبار الموردين الدوليين، وتشمل أيضًا 14 صومعة للحبوب، ومجمع طباعة شاملا لتغليف المنتجات الصديقة للبيئة لضمان تلبية متطلبات كل مستهلك لمنتجات صحية وعالية الجودة وآمنة.