توقع الإعلامي عمرو أديب، ارتفاع أسعار السلع بالتزامن مع ارتفاع سعر الدولار في البنوك، مؤكدًا أنه تحدث مع عدد من التجار والمصنعين الذين أكدوا على ارتفاع الأسعار خلال الأيام المقبلة.
وقال «أديب» في تعليق خلال برنامجه «الحكاية»، الذي يعرض عبر قناة «إم بي سي مصر»، اليوم الجمعة: «البنك المركزي كان بيدبر الدولار على 24 جنيه، دلوقتي وصل إلى 27 وبالتالي الأسعار هتزيد».
وأضاف: «السوق كان رافع الأسعار وبيحسب الدولار على 30، طيب إحنا دلوقت وصلنا لـ27 وقربنا، هترفع برده، هيرفعوا الأسعار برده، ومحدش يقول عمرو اللي رفع الأسعار، أنا بقولك اللي هيحصل بكره».
وتابع «أديب»: «ده مش السؤال، السؤال المهم، الدولة اللي كانت بتاخد الدولار بـ24 عشان تشتري بيه المنتجات والمواد الخام، ودلوقتي هتاخده بـ27 جنيه، هتعمل إيه؟».
وأكمل: «التجربة بتاعتنا خلال الفترة اللي فاتت، بتؤكد إن التجار أقوى من الحكومة، وبدليل إنهم بيعملوا اللي هما عايزينه».
تابعوا آخر أخبار العقارية على Google News
