الرئيس السيسي لشباب جامعة سوهاج: الدعم موجود وأرقام متتخيلوهاش بس مش من جيب الحكومة

قال الرئيس عبد الفتاح السيسي، لشباب جامعة سوهاج، الذين استعرضوا بعض الأفكار لمشروعات، : "الدعم موجود، قدامي 6 نماذج الـ 6 نماذج دول بالنظريات 50% ممكن يجيبوا نتيجة وممكن الـ 100% طبعا، أنا مش بقول كدا ليكم، أنا بقول كدا لينا احنا نحلم ونجري على حلمنا ونصدق إن ممكن يحصل فيه نجاح مش نقول تلوين صورة يعني".

وأكد السيسي على أن الدعم سيكون بأرقام لم يتخيلوها قائلًا: "قبل ما تمشوا الدعم موجود والأرقام اللي متتخيلوهاش موجودة، كل واحد هيحتاج إيه مثلا مليون اتنين تلاتة علشان الكلام دا يطلع وينجح كمشروع احنا جاهزين".

وأكمل خلال افتتاح مشروعات في سوهاج: "هقولكم الأرقام اللي متحلموش بيها هتتوفر ليكم مش من جيب الحكومة ليه مش من جيب الحكومة لأن أنا مرتب ترتيبات تانية الدكتور مصطفى والحكومة مطحونة جدا الكلام اللي كان بيتكلمه على محافظة واحدة".

وتابع الرئيس: "الرقم كله اللي اتصرف حتى الآن 7 تريليون في سوهاج وبقولكم الرقم دا متواضع جدا قدام الحلم أنا جاي بالطريق وبالطيارة وبشوف المباني اللي تحت مني لسه بدري أوي أوي".

واستعرض مجموعة من النماذج الشابة والرائدة في محافظة سوهاج، بعض تجاربهم الناجحة في العديد من المجالات، أمام سيادة الرئيس عبدالفتاح السيسي رئيس الجمهورية.