عمرو أديب للقطاع الخاص: لو مش معايا والزمان شرم برم فلن أكون معك والزمان تراللي "فيديو"

أكد الإعلامي عمرو أديب، أن أزمة نقص البيض في بريطانيا، تعود إلى انتشار إنفلونزا الطيور، مشيرا إلى أن الدولة أصبحت "مفهاش بيض"، واصفا ذلك بـ "الوضع القهري".

القطاع الخاص فين ؟

وقال عمرو أديب خلال برنامجه «الحكاية»، المُذاع عبر فضائية «mbc مصر» : "أي دولة مش بتوصل للمرحلة دي، وبعدين أنا قفشت نفسي، وأنا متحمل أني الدولة تدخل ديمًا لحل الأزمات، أنا بقول القطاع الخاص فين ؟".

وواصل أديب حديثه قائلا: "قطاع مثل قطاع الحديد في جزء منه إنتاج دولة، وأنا بتكلم بصراحة، احنا وصلنا لمرحلة أني رئيس الوزراء خصص وقته لموضوع الثروة الداجنة في مصر"، مضيفا: " لو سألت أي دولة رئيس الوزراء قاعد يناقش موضوع زي ده بيقولك لا رئيس الوزراء قاعد يشتغل على محطات التحلية إزاي ندفع السوق المصرفية، أو قاعد في اجتماع مع محافظ البنك المركزي".

وأردف: "ليه القطاع الخاص بيعمل فينا كده؟! طيب الدولة بتفرج يوميًا على الأعلاف على قمح، ومستلزمات إنتاج يبقى الدولة أمال بتفرج عن ايه شيكولاته، لكن السلع أصبحت عملة زي الرز، وكمان العلف بقى عمله، بره يقولك أخليه وأبيعه السنة الجاية بسعر أغلى طيب القطاع الخاص فين ليه مش واقف معانا".

وحرص أديب على توجيه رسالة إلى القطاع الخاص قائلا: "الدولة عارفه بتعمل ايه، أنا لا أتحدث عن التسعيرة الجبرية، هذا الموضوع مش هينفع في وسائل إقناع موجودة وفى حاجة تاني اذا لم تكن معايا، والزمان شرم برم فلن أكون معاك والزمان تراللي"، موضحا أن ذلك بمعنى "أنتا لو مش معايا وانا مزنوق أكيد انا هعدي من الأزمة ولو موقفتش معايا كدولة مش هبقى معاك لما أقف على رجلي".