السيسي يرد على القائلين إن الدولة تعمل في مشروعات الطرق والكباري فقط

قال الرئيس عبد الفتاح السيسي، إننا نحتاج إلى نحو مليون وظيفة جديدة كل عام، في سوق العمل، أي أننا نحتاج إلى إدخال 8 ملايين وظيفة قبل 2030. 

وفي كلمته خلال افتتاح محور التعمير بالإسكندرية، قال الرئيس" كل سنة بيدخل سوق العمل مليون، بمعنى أننا من 2022 لـ 25 تقريبا 3 سنين عاوز توفر 3 مليون فرصة عمل خلال الـ 3 سنوات دول، ومفروض فرصة عمل على الأقل بالحد الأدنى من المرتبات توقفوا عن الأرقام دي".

وأكمل الرئيس: "أنا بكلم كل بيت مصري قولي إزاي نوفر 3 مليون فرصة عمل خلال الـ 3 سنوات الجايين، 900 ألف فرصة عمل كل سنة زيادة عن الموجود في السوق، الرقم دا توقفوا قدامه لأن دا مش بسيط ومفيش دول في العالم على الأقل اللي زينا يعني تقدر توفر فرص عمل بالحجم دا سنويا". 

وأضاف: "طيب ياترى لغاية سنة 30 النمو دا بالطريقة دي معناه المليون كل سنة طيب احنا هنقدر نوفر نوفر 8 مليون وظيفة قبل 2030، الدولة مش سايبة قطاع مش شغالة فيه بس الفكرة إنت يمكن بتمس قطاع بنفسك". 

وتابع: "يقولك أنتوا مهتمين بالطرق والكباري ياسيدي إنت بس شوفت دا لأن أنت بتمشي عليه لكن دا مش معناه إن الدولة شغالة في الطرق بس، قطاع الزراعة إنت مبتشوفوش مين مننا من المواطنين هيشوف اللي بنعمله زيادة، الدكتورة لسه بتقول 250 ألف فدان هيدخلوا السنادي في القمح، عن السنة اللي فات المفروض كانوا 400 ألف والسنة الجاية 23 يوصلوا لمليون، لو احنا نجحنا في اللي احنا بنعمله دا بعيد عن الرقعية القديمة الدلتا بنتلكم على الدلتا الجديدة وتوشكا وشرق العوينات".