وجه خالد الجندي، عضو المجلس الأعلى للشؤون الإسلامية، تهئنة للمصريين بمناسبة افتتاح الرئيس عبدالفتاح السيسي، مدينة المنصورة الجديدة، مساء اليوم الخميس.
وقال الجندي خلال تقديمه لبرنامج «لعلهم يفقهون»، المذاع عبر فضائية «DMC»، مساء الخميس: «ألف مبروك علينا وعلى بلدنا، رئيس سهران وتعبان ومجتهد ونشيط ومكافح ومبيضيعش وقت، رئيس تعبان عشان بلدنا، وسهران على مصالحنا».
وأضاف أن المواطنين في عهد الرئيس السيسي، يرون المشروعات بعد الانتهاء منها بالكامل في يوم الافتتاح، متابعًا: «مفيش وضع سيادته حجر الأساس، ولا حط الأسمنت والطوب وخد بعضه ومشي، أفعاله تتحدث، واللي شفتوه إجراء عادي في حياته، من يوم ما تولى الأمانة اللي ربنا أسندها إليه، ودي نعمة من ربنا سبحانه وتعالى».
وأشاد بحديث الرئيس السيسي، مع الشباب خلال جولته التفقدية بكورنيش المدينة، متابعًا: «شوفوا بيكلم الشباب إزاي، هل شفتم في حياتكم حالة الحميمية والحب والتواصل مع ولادنا وشبابنا والبساطة؟».
وتابع: «هل شفتم مدرسة اسمها مدرسة عبدالفتاح السيسي، أو مصنع السيسي، أو مستشفى السيسي، أو كوبري السيسي، مفيش الكلام ده، إنكار للذات وعمل في صمت، وعمل دؤوب ومواصلة يستاهل نقول له ربنا يجازيك خير يا ريس، وميحرمناش منك».
تابعوا آخر أخبار العقارية على Google News
