فيديو.. عزة مصطفى تطالب ضياء رشوان بعرض تدوينات علاء عبد الفتاح التحريضية

ناشدت الإعلامية عزة مصطفى، مساء اليوم الأربعاء، ضياء رشوان، رئيس الهيئة العامة للاستعلامات، من أجل عرض تدوينات سناء سيف وشقيقها علاء عبد الفتاح على منصات السوشيال ميديا، والتي يحرضوا فيها ضد الجيش والشرطة، كتطبيق لمبدأ المعاملة بالمثل.

عزة مصطفى تطالب بعرض تدوينات علاء عبد الفتاح

 وقالت عزة مصطفى، خلال تقديم برنامج «صالة التحرير» المذاع عبر قناة «صدى البلد»، موجهة حديثها لـ ضياء رشوان: "طلّع بيان رسمي ونزل تويتات علاء عبد الفتاح وأخته سناء سيف، وتقوم هيئة الاستعلامات والمجلس الأعلى للإعلام المصري بترجمة كل التويتات دي".

وتابعت: "ابعتوها باسم المجلس الأعلى للإعلام؛ محتاجين كله يشتغل ويتعامل معاهم بنفس المعاملة، ومحتاجين نشوف على السوشيال ميديا بيطبقوا حقوق الإنسان مع مواطنيهم إزاي في إيطاليا وألمانيا وفرنسا وأمريكا؟، عاوزين نشوف الأجهزة الأمنية بتعمل إيه مع مواطنيهم؟".

وواصلت عزة مصطفى: "عاوزين نشوف، ازاي بيراعوا حقوق الإنسان مع مواطنيهم؟، فكرة إنك تعمل لقطة هنا في بلدنا انسى خالص، وعلى المواطنين يعرفوا ازاي المفوضية دي بتعمل مع مصر كدة ليه!؛ واضح إن المسألة دي فيها فلوس كتيرة قوي، ومهما كسب الخاين هو رخيص".