السيسي: الأرض اللي كانت بتتروي ري مريح خلصت دلوقتي عاوز أروي عكس الاتجاه

تحدث الرئيس عبد الفتاح السيسي، عن جهود الدولة في مجال الزراعة، قائلاً: "لما دخلنا في مجال الزراعة بدأنا بمليون نص فدان وعملنا دراسات مع المعنيين وقولنا نطرح نعمل البنية الأساسية ونديها للناس ولا لا وقعدنا في نقاش كبير جدا وجه الدكتور مصطفى قالي والمهندس محلب والمهندس شريف إسماعيل قالوا لا يافندم الناس المستثمرين بيقولوا إن احنا هنعمل احنا البنية الأساسية ونزرع الارض ديه هل الكلام دا لما أوقله على الهواء يفيد حد". 

وتساءل الرئيس: "طيب حجم اللي اتزرع كام من المليون ونص فدان طيب هل اتعمل بنفس الجودة اللي بنتمناها للقطاع الزراعي في مصر طيب تعالوا نتكلم طيب نعمل إحنا مشروع جديد فيه 2 3 مليون فدان طبقا للمعايير ودا ياخدله 20 أو 30 سنة طيب، أنا بقدم كشف حساب زيكم انت بتتكلم وبتدافع عن نفسك وعلى بلدنا وإيه اللي بنعمله ليها واحنا أمناء عليها ولا لا". 

وأكمل الرئيس: "النتيجة اللي اتزرع ميجيش 20% من الأرض ديه وأنا مش شايفها يعني مش قادر أقول إن الـ 200 ألف فدان اللي بنقول يارب يكونوا اتعملوا أنا أقدر أخد انتاجهم وأقول يتعملوا قمح علشان أجابه مشكلة قمح أو يتعملوا ذرة". 

وتابع: "اللي عمل البنية الأسياسية وجهز الدولة المصرية للزراعة محمد علي مكنش عنده مشكلة غير إن الميه بتيجي من فوق نازله على تحت وهو ياخد الميه دي يعملها شوية قناطر وشوية جسور تخش على الأراضي اللي عاوز يزرعها وزرع وحسن زراعة 4 أو 5 مليون فدان في الوقت دوت والمبلغ اللي دفعه ساعتها الدولة استوعبت تكلفته على مدى الـ 100 سنة اللي فاتوا". 

وأضاف: "طيب لما أجي اقول لأي حد مهتم بالزراعة تعالى أعملك مليون فدان يتكلفوا 150 مليار جنيه تقولي إزاي بقى دا كل دا علشان بس أزرعهم طيب بعمل كدا لأن الأرض اللي كانت بتتروي ري مريح خلصت دلوقتي عاوز أروي عكس اتجاه الانحدار الطبيعي، محطات معالجة لمياه ممكن نستفيد منها كل دا بيتكلف". 

وأكمل: "مستعدين في الاستثمار لأي حد يصرف كدا أي مستمثمر بيحسن ومن حقه ودا طبيعي ليه طبيعي لأن هو في النهاية مش جايب فلوس علشان يفرقها بيعمل شغل علشان يكسب منه الدولة أحيانا بتبقى مضطرة تخش مشروعات أمن قومي اللي بيني وبين الـ 3 مليوين فدان دول هو طاقة عمل بس".