تحدث الرئيس عبدالفتاح السيسي، رئيس الجمهورية، اليوم الثلاثاء، عن الدعم لمرحلة التعليم الأساسي، قائلًا: " اللي يقولي ايه علاقة التعليم بالاقتصاد.. اللي عمل الدستور قال التعليم للجميع ومجاني.. ولا بأس.. خلي بالكوا اللي أنتو بتتكلموا عليهم دول أهلي وأهلكوا.. وأنا نفسي أديهم عنيا والله.. بس أنا أقدر؟.. أو الدولة تقدر؟.. طيب جهود التعليم اللي هتقدم هتقدر؟.. طيب يا ترى المنتج هيبقى عامل إزاي".
المؤتمر الاقتصادي مصر 2022
أضاف الرئيس السيسي خلال كلمته في الجلسة الختامية للمؤتمر الاقتصادي مصر 2022: "مش 25 مليون جنيه يعني في الدول المحترمة والغنية هتدفع 10 آلاف دولار في السنة للطالب ده.. يعني أنا عايز 250 مليار دولار علشان اعمل التعليم ده.. ده في التعليم الأساسي.. أنا بقى حولتهم للجنيه.. يبقى 250 مليار جنيه.. يبقى الطالب 10 آلاف جنيه.. طب هي موازنة الدولة هتقدر تدي الرقم ده للتعليم".
وتابع الرئيس السيسي: "لما الدكتور مصطفى كان بيتكلم احنا عايزين 21 ألف فصل قولتله يا دكتور 60 ألف فصل.. وده العدد المطلوب لمجابهة الزيادة السكانية كل سنة علشان تخلي 30 أو 40 طالب في الفصل.. طب الـ 60 ألف بكام.. لو حسبته بنص مليون هيساوي 30 مليار..ولو حسبته بمليون هيساوي 60 مليار ده لـ 60 ألف فصل.. وده من غير تشغيل".
كلمة السيسي في المؤتمر الاقتصادي مصر 2022
قال رئيس الجمهورية: "اتقال ايه عن الاستثمار الأجنبي.. طب أنا بقول لكل اللي بيسمعوني بما فيهم رجال الأعمال.. لما تقعد تتكلم وتقول مش سيبين لنا فرصة... الاستثمار مش واضح.. في حد بينافسنا.. طيب أنت بتدي لبيئة جاذبة ولا طاردة".
أضاف الرئيس السيسي خلال كلمته في الجلسة الختامية للمؤتمر الاقتصادي مصر 2022: " لما تيجي تقول لا لا ده مفيش فرصة بيضيقوا علينا.. الكلام اللي أنا بقوله ده ملوش علاقة خالص بفكرة التشخيص.. وأيضًا التوصيات اللي اتحطت.. لكن هي دي عبارة عن الملاحظات اللي أنا كمواطن مصري شوفتها".
جلسات المؤتمر الاقتصادي مصر 2022
تابع الرئيس: "اتصور قبل ما نقول إننا انهينا الحوار الوطني بشكل متكامل نستفيد منه كلنا.. أنا متصور أننا عايزين نعمل حاجة تانية.. زي ما عملنا الاقتصادي واتكلمنا كلنا.. والدولة اتكلمت أيضًا في التحديات الموجودة.. محتاجين نعمل ده أيضًا في الملفات التانية".
وأضاف الرئيس السيسي خلال كلمته في الجلسة الختامية للمؤتمر الاقتصادي مصر 2022: "هشير لبعض الأمثلة الصغيرة والهدف منها فقط.. قولتلكم أنا بشارك معاكم هنا مش كرئيس مصر بالمناسبة.. ولما بقول الكلام ده الناس بتفكر بلاعب بمشاعر الناس... لا اعتبر نفسي رئيس مصر.. بعتبر نفسي إنسان طُلب منه التدخل لحماية وطن".
مقترحات المؤتمر الاقتصادي مصر 2022
أشار رئيس الجمهورية إلى أن الهدف من المؤتمر الاقتصادي مصر 2022، هو كشف الحقائق ومعرفة كل ما يدور في الدولة، وذلك من خلال الجلسات النقاشية.
وتابع الرئيس: أي طالب في كلية السياسة والاقتصاد يمكنه تقديم المقترحات التي قدمت في المؤتمر الحالي، لكن الهدف الرئيسي هو تنفيذها، والفعاليات التي قدمت في المؤتمر، مضيفًا: "احنا كدولة ملتزمين بتنفيذها، وإيجاد حلول للمشكلات التي قد تواجهنا".
تابعوا آخر أخبار العقارية على Google News
