السيسي: بناء أمة مش مبني فقط على الاقتصاد ويجب أن تساندني مؤسسات الدولة

قال الرئيس عبد الفتاح السيسي، إن الاقتصاد أمر مهم جدًا، مضيفا "دي حياة الناس هتعيش ازاي لا بناء أمه مش مبني فقط على اقتصاد مبني على حاجات كتير أوي من ضمنها الاقتصاد".

وأضاف الرئيس السيسي، في كلمته بالجلسة الختامية للمؤتمر الاقتصادي، إنه عندما طرحت فكرة توثيق الطلاق، الكل تغاضى وقال لا، متابعا: "الموضوع مش لا ليا حجم الضرر الناجم عن دا للمجتمع يساوي كام وانتوا إيه اجراءاتكم يابتوع ربنا لمجابهته".

وتساءل الرئيس: "هل انهاردة البيئة العلمية من 1400 سنة لدى المواطنين في ذلك العصر تساوي البيئة العلمية للمجتمع اللي احنا موجودين فيه في مصر والعالم العربي والإسلامي لا طبعا".

وتابع: "إذا لما بتكلم على البيئة الدينية وانتوا بتتكلموا في الاقتصاد طيب لو أنا واخد مسار إصلاح اقتصادي قاسي مؤلم انتوا كمؤسسات دينينة مسيحية وإسلامية هتعملوا إيه".

وأكمل الرئيس: " اللي قولته في الأول إن كل اللي اتقال الحديث عن الناتج المحلي وعجز الموازنة والاستثمار، لما هو سهل كدا معملناهوش ليه، إذا لا بد نكون فاهمين إن فيه إجراءات أخرى متكاملة مع الموضوع دا علشان ينجح فهل انهاردة المؤسسات الدينية هتكثف جهودها لدعم مسار الحكومة اللي هو عبارة عن الشعب وكل الحكومة لإدارة شئونه لفترة زمنية بما فيهم أنا، الحكومة مش من حتة واحنا من حتة تانية احنا حتة واحدة، إذا يبقى

مؤسسات الدولة لا بد تساعدني في كل إجراء مش طبقا لقناعتها، ولكن طبقا لفهم واسع وفكر عميف لحجم القضية التي نتكلم فيها".

وتابع: "لما حد يتكلم في الإعلام يقولي كرتونة البيض زادت 10 جنيه هل انت كدا بتساعد في المسار دا معناه إن أن رافض الفكرة لا أبدا لكن الأدبيات اللي بتشتغلوا بيها قد لا تتوافق مع واقعنا، احنا محتاجين حشد للاتجاه".