السيسي: المسئولية على عاتق وزارة الداخلية كبيرة أوي

قال الرئيس عبد الفتاح السيسي، خلال كلمته في حفل تخرج دفعة جديدة من كلية الشرطة، إن المسئولية الملقاة على عاتق وزارة الشرطة كبيرة، وأن دورها مشهود من الجميع. 

وأضاف الرئيس:  "المسئولية على عاتق وزارة الداخلية كبيرة أوي.. لو قابلتنا مشكلة نسأل نقول فين الشرطة.. وحتي لما الأسعار تغلي نقول فين الشرطة وفين الرقابة.. دوركم مشهود من الناس كلها.. ومصر كلها تقدر هذا الدور.. طالما يحترم إنسانية المواطنين وإنفاذ القانون".

وتابع السيسي: "دايما عايزين وإحنا بنتعامل مع المواطنين دائما منتبهين إننا موجودين في الشارع، ونتعامل مع تحديات كتيرة.. فيه ممارسات واللى ماشي صح خلاص.. المشكلة اللى معاه أي مخالفة.. ترفق بيه وتعمله من خلال أدائك الراقي من خلال القدوة والممارسة".

وأكد الرئيس السيسي في كلمته على أن كل قطاعات الدولة يتم تطويرها قائلاً: "اوعوا تتصوروا إن فيه قطاع من قطاعات الدولة مبنقومش بالعمل على تطويره بس احنا بنشتغل من غير ضوضاء منقولش احنا هنعمل هيكلة وإصلاح لكن بنقوم بالدور دا بشكل مستمر لأن التطوير عملة مستمرة "الدنيا بتتغير"، ودا بيتنفذ في كل قطاعات الدولة والدولة كلها بتتحرك في تطوير قدراتها ومهاراتها ولكن من غير ضوضاء".